"Arsenal" "Vulverxempton" futbolchisiga bo'lgan qiziqishni tikladi

Londonning "Arsenal" klubi yozda "Vulverxempton" vingeri Pedru Netuni o'z safiga qo'shib olish uchun yangi urinishlarni amalga oshirishi mumkin.

Eslatib o'tamiz, portugaliyalik futbolchiga o'tgan yozda "kanonirlar" qiziqish bildirgandi, ammo "bo'rilar" futbolchi uchun 60 million evro miqdorida juda ko'p pul talab qilishgandi.

The Sun nashri xabariga ko'ra, Pedru hali ham "Arsenal" bosh murabbiyi Mikel Artetaning ro'yxatida turibdji, shuning uchun agar "Vulverxempton" futbolchining narxini kamaytirsa, "Arsenal" ushbu transfer ustida ish boshlashi mumkin.

Joriy mavsumda 23 yoshli Netu Angliya Premer-ligasida 15 ta o'yinda maydonga tushdi.