"Barselona" qiziqish bildirayotgan "Inter" futbolchisi uchun APL klubi kurashga qo'shildi

Milanning "Inter" klubi etakchilaridan biri Marselo Brozovich Italiya A Seriyasini APLga o'zgartirishi mumkin.

Sportske jutarnji nashri xabariga ko'ra, "Nyukasl" xorvatiyalik futbolchiga qiziqish bildirmoqda. Qayd etilishicha, "neradzurrilar" rahbariyati Brozovichni 35 million evro evaziga qo'yib yuborishga tayyor. Xorvatiyalik futbolchining xizmatiga qiziqayotgan klublardan yana biri Ispaniyaning "Barselona" klubidir.

Eslatib o'tamiz, Marselo Brozovich 2015 yildan buyon "Inter" safida o'ynab kelmoqda va Italiyada chempionlikni va bir marta mamlakat kubogini qo'lga kiritgan. Transfermarkt portali 30 yoshli yarim himoyachining narxini 28 million evroga baholamoqda.