"PSJ" Frantsiya terma jamoasi hujumchisi uchun kurashga qo'shildi

Frantsiya terma jamoasi va Frankfurtning "Ayntraxt" klubi hujumchisi Randal Kolo-Muani faoliyatini o'z Vatanida davom ettirishi mumkin.

RMC Sport nashri xabariga ko'ra, 24 yoshli futbolchini transferga "PSJ" qiziqmoqda. Futbolchi uchun kurashda parijliklarning raqiblari "Bavariya" va "Manchester Yunayted"dir.

O'z navbatida, "Ayntraxt" o'zining etakchi futbolchisi uchun 60 million evro taklif qilsa, u bilan xayrlashishga tayyor. Tomonlar o'rtasidagi amaldagi shartnoma muddati 2027 yilning o'rtalarigacha mo'ljallangan.

Bundesliganing joriy mavsumida Kolo-Muani 28 ta o'yinda maydonga tushib, 13 ta gol urdi va 10 ta golli uzatmani amalga oshirdi.