«PSJ» de Ligtga taklif qilayotgan maosh «Barselona»nikiga nisbatan 3 baravar ko'p

"Ayaks" himoyachisi Matteys de Ligt uchun "Barselona" va "PSJ" klublari kurash olib borayotganidan xabaringiz bor. Bu kurashda parijliklar ustunlik qilishmoqda.

Futbolchiga taklif qilinayotgan maosh borasida bu ikki jamoa o'ziga xos "auktsion" o'tkazishmoqda. "PSJ" klubi bir necha marta kataloniyaliklar tomonidan Matteysga taklif qilinayotgan maoshga nisbatan ko'proq maosh taklif qildi. Frantsiyaliklar 19 yoshli futbolchi 15 million evro qilayotgan bo'lishsa, "ko'k-anorranglilar"ning taklifi 5-7 million evro atrofida bo'lmoqda.

Bundan tashqari, "PSJ" futbolchining transferi uchun "Ayaks"ga ko'proq pul taklif qilmoqda. Gap 90 million evro haqida ketmoqda. "Barselona" esa, o'z navbatida, 70 million evrodan ortiq pul bermoqchi emas.

Matteys de Ligt ushbu mavsumda "Ayaks" safida 55ta o'yinda maydonga tushib, 7ta gol urdi va 4ta golga assistentlik qildi.