"PSJ" Koutino bilan muzokara boshladi

PSJ "Barselona" futbolchisi Filippe Koutino bilan muzokaralarni boshladi. Bu haqda "Paris United" xabar tarqatdi.

Manbaga ko'ra, Parij klubi sport direktori Anter Enrike braziliyalik futbolchining agenti bilan bog'langan.

Ma'lumotlarga ko'ra, "PSJ" Koutinoni keyinchalik sotib olish huquqi bilan ijaraga olmoqchi. Ammo bu taklif "Barselona"ni qoniqtirmasligi mumkin, chunki Kataloniya klubi yangi futbolchilar xarid qilish oldidan moliyaviy ahvolni barqarorlashtirish uchun Koutinoni butunlay sotish niyatida.