"Bavariya" Noyerga belgiyadan o'rinbosar topdi

Myunxenning "Bavariya" klubi yangi darvozabon izlamoqda. Asosiy nomzod Bryusselning “Anderlext” klubi darvozaboni Bart Verbruggen.

Goal.com nashrining xabariga ko'ra, nemis grandi ijara asosida "Monako"da o'ynayotgan Aleksandr Nyubelning xizmatidan voz kechishga qaror qilgan.

Eslatib o'tamiz, jamoaning asosiy darvozaboni Manuel Noyer jarohati sabab mavsum oxiriga qadar safdan chiqqan edi. Hozir "Bavariya"ning birinchi raqami shveytsariyalik Yann Zommer.

20 yoshli Verbruggen 2020 yilning yozidan buyon “Anderlext” safida o'ynab kelmoqda. Uning transfer narxi 5 million evro.