"Barselona" o'z futbolchisining transferi 12 million evro ishlab olmoqchi

Kataloniyaning "Barselona" klubi Londonning "Tottenxem" klubi bilan joriy mavsum "shporlar"ga ijaraga berilgan markaziy himoyachi Kleman Langleni to'liq sotish bo'yicha muzokaralar olib bormoqda.

Sport nashri xabariga ko'ra, "Barselona" markaziy himoyachisi uchun 12 million evro ishlab olishni kutmoqda. Muzokaralar chog'ida Kataloniya klubi "Tottenxem"ga frantsiyalik futbolchining xizmatlariga boshqa jamoalar ham qiziqish bildirayotganini ma'lum qildi.

Eslatib o'tamiz, Langle o'tgan yozda bosh murabbiy Antonio Kontedan "Tottenxem"ga taklif olgandi. Hozir jamoada doimiy ustozi yo'q, ammo "shporlar" rahbariyati futbolchini o'zida saqlab qolmoqchi.