Ten Xag "MYu"ga yangi darvozabon olib kelmoqchi

"Manchester Yunayted" bosh murabbiyi Erik ten Xag yozda jamoaga yangi darvozabon olib kelmoqchi.

Kecha Ispaniyaning "Sevilya" klubi bilan Evropa ligasi chorak finalida qo'pol xatoga yo'l qo'ygan asosiy darvozabon David de Xeaning o'yini niderlandiyalik mutaxassisni qoniqtirmayapti. Eslatib o'tamiz, "mankunianliklar" safarda 0:3 hisobida mag'lub bo'lib, turnirni tark etdi.

De Xeaning shartnomasi yozda tugaydi. Agar rahbariyat u bilan shartnomani uzaytirishga rozi bo'lsa, u holda Devid klubda o'rinbosar sifatida qoladi. Jurnalist Jeyms Dukerning so'zlariga ko'ra, ten Xag jamoada yangi darvozabonni ko'rishni xohlayotganiga qat'iy qaror qilgan. Potentsial nomzodlarning nomlari hali e'lon qilinmagan.