Saudiya Arabistoni klubi Modrichga 25 million evro maosh taklif qildi

Saudiya Arabistonining nomi oshkor etilmayotgan klubi tez orada Madridning “Real” klubi yarim himoyachisi Luka Modrichga navbatdagi taklif bilan chiqadi va bu oxirgi taklif bo'ladi. Bu haqda AS nashri xabar bermoqda.

Saudiyaliklar 37 yoshli xorvatiyalik futbolchini yozda tekinga o'z safiga qo'shib olmoqchi. Yarim himoyachiga mavsumiga 25 million evro maosh bilan ikki yillik shartnoma taklif qilinadi - bu uning "Real"dagi maoshidan ikki baravar ko'p.

Shu bilan birga, Modrichning o'zi ham Madridda qolishni istamoqda. Klub yaqin haftalarda shartnomani uzaytirish bo'yicha muzokaralarni boshlashi haqida ma'lumotlar bor edi.