"Real" Bellingemning narxini kamaytirishning boshqa yo'lini topdi

Madridning "Real" klubi Dortmundning "Borussiya" klubi yarim himoyachisi Jud Bellingemni o'z safiga qo'shib olmoqchi.

Dortmundliklar angliyalik futbolchi uchun 150 million evro talab qilayotgani, "qaymoqranglilar" esa bunday pulni to'lamoqchi emasligi sababli, ispan klubi rahbariyati o'z futbolchilarini shartnomaga kiritish variantini ko'rib chiqmoqda.

Cadena SER nashri xabariga ko'ra, "qirollik klubi" hozirda Italiyaning "Milan" klubida ijara asosida o'ynayotgan yarim himoyachi Braim Diasni shartnomaga qo'shishi mumkin. Shu bilan birga, ispaniyalik futbolchi avvalroq "rossonerilar" safida qolish istagini bildirgan edi.

Shartnomaga Diasni qo'shish orqali "Real Madrid" 150 million evro narxini pasaytirmoqchi.