"Real" va "Manchester Siti" "Bavariya" futbolchisi uchun kurashadi

Myunxenning "Bavariya" klubi chap qanot himoyachisi Alfonso Devis "Real" va "Manchester Siti"ning transfer ro'yxatida.

22 yoshli futbolchining amaldagi shartnomasi 2025 yilda yakuniga etadi. OAVning avvalgi xabarlariga ko'ra, kanadalik futbolchi "Bavariya"ni tark etishga unchalik qiziqmayapti, ammo unga da'vogarlar allaqachon topilgan.

Taniqli insayder Florian Plettenbergning so'zlariga ko'ra, "Real" va "Manchester Siti" Devisni o'z nomzodlari ro'yxatiga kiritgan. Har ikki klub shu yilning yozidayoq transfer ustida ish boshlashi mumkin.

Transfermarkt portali ekspertlari Alfonso Devisning narxini 70 million evroga baholamoqda.