"MYu" "Vulverxempton" etakchisiga ko'z tikmoqda

"Manchester Yunayted" "Vulverxempton" yarim himoyachisi Mateus Nunesga qiziqish bildirmoqda.

Football Insider nashri xabariga ko'ra, 24 yoshli futbolchi "qizil iblislar"ning transfer ro'yxatiga kiritilgan, chunki Erik ten Xag o'zining yarim himoya chizig'ini kuchaytirishni juda istamoqda.

Joriy mavsumda u "bo'rilar" safida barcha musobaqalarda 32 ta o'yin o'tkazib, o'z hisobiga bitta gol va golli uzatma yozdirib qo'ygan. Transfermarkt portali uning narxini 45 million evroga baholamoqda.