"PSJ" Bellingemning transferi ustida ishlamayapti

"PSJ" klubi Dortmundning "Borussiya" klubi yarim himoyachisi Jud Bellingem uchun kurashda ishtirok etmaydi.

O'tgan haftada ma'lum bo'lishicha, 19 yoshli futbolchi faoliyatini davom ettirishning ba'zi variantlarini, jumladan, "PSJ"ni ham rad etgan.

Insayder Fabritsio Romanoning so'zlariga ko'ra, agar Bellingem yakunda boshqa klubga o'tishni tanlasa, parijliklar rahbariyati unchalik xafa bo'lmasa kerak. "PSJ"ning angliyalik yarim himoyachi borasida jiddiy rejasi yo'q, ayni damda parijliklar futbolchini rejalarini o'zgartirishga ko'ndirish uchun hech qanday chora ko'rmayapti.

Jud Bellingem uchun asosiy da'vogarlar "Manchester Siti" va "Real" bo'lib qolmoqda.