Jahon chempioni mavsum oxirida APLning boshqa klubiga o'tadi

"Brayton" yarim himoyachisi Aleksis Makallister mavsum oxirida jamoani tark etishi haqida jurnalist Fabritsio Romano ma'lum qildi.

Manbaga ko'ra, argentinalik futbolchining agenti uning ketishi 100 foiz kafolatlangan deb hisoblaydi. Mavsum oxirigacha u bor e'tiborini "Brayton"da o'ynashni rejalashtirgan.

Futbolchiga "Liverpul" va "Manchester Yunayted" klublari qiziqmoqda. Har ikki klub ham yaqin orada uning vakillari bilan muzokaralar o'tkazishni rejalashtirgan.

24 yoshli futbolchi joriy mavsumda “Brayton” safida 30 ta o'yinda maydonga tushdi. Uning hisobida 10 ta gol va 2 ta golli uzatma bor.