"Arsenal" hamon Diabi uchun kurashda etakchilik qilmoqda

Londonning “Arsenal” klubi hamon “Bayer” vingeri Mussa Diabiga asosiy da'vogar bo'lib turibdi. Sport Bild nashri xabariga ko'ra, "kanonirlar" futbolchi bilan muntazam aloqada.

"Kanonirlar"ning Diabiga qiziqishi mavsum davomida vaqti-vaqti bilan xabar qilingan. Bu mavsumda 23 yoshli frantsiyalik barcha rasmiy o'yinlarda 13 ta gol urdi va 9 ta golli uzatmani amalga oshirdi. Transfermarkt portali yarim himoyachini 50 million evroga baholamoqda.

Diabini qo'lga kiritish uchun "Arsenal" anchagina mablag' sarflashi kerak, chunki uning leverkuzenliklar bilan shartnomasi 2025 yilning o'rtalariga qadar amal qiladi.