"Manchester Siti" himoyachisi La Ligaga qaytishi mumkin

Himoyachi Emerik Laport "Manchester Siti"ning asosiy tarkibidagi o'rnini yo'qotdi. Shu sababli, yozda Ispaniya terma jamoasi futbolchisi klubini o'zgartirishi mumkin. TodoFichajes nashri xabariga ko'ra, Laport Bilbaoning "Atletik"iga qaytishi mumkin.

Oldinroq mish-mishlar Laportni "Barselona" bilan bog'lagan edi. Biroq kataloniyaliklar hozirda “Atletik”da o'ynayotgan Inigo Martinesga qiziqish bildirmoqda. "Basklar" uchun Laportning qaytishi ajoyib variant bo'ladi.

Emerik Laportning "Manchester Siti" bilan amaldagi shartnomasi 2025 yilning o'rtalariga qadar mo'ljallangan. Transfermarkt portali 28 yoshli himoyachini 30 million evroga baholamoqda.