"Liverpul" va "Manchester Siti" "Brayton"da o'ynayotgan "Chelsi"ning yosh futbolchisiga e'tibor qaratishdi

"Liverpul" va "Manchester Siti" "Brayton" safida ijara asosida o'ynayotgan yosh markaziy himoyachi Levi Kolvillga e'tibor qaratishdi. Futbolchi hozirda Londonning "Chelsi" klubiga tegishli bo'lib, londonliklar o'z tarbiyalanuvchisi bilan shartnomani uzaytirmoqchi.

Jurnalist Nizar Kinsellaning xabar berishicha, Kolvill "Manchester Siti" va "Liverpul" uchun jiddiy transfer maqsadi hisoblanadi. Biroq, "Chelsi" futbolchini qo'yib yuborishga rozi bo'ladimi, buni kuzatish kerak. Himoya markazidagi yuqori raqobatga qaramay, "ko'klar" hozirgacha kattalar jamoasida rasmiy o'yinlarda debyut qilmagan Kolvill bilan xayrlashishga shoshilmayaptilar.