"Nyukasl" ham Deklan Rays uchun kurashga qo'shildi

Jurnalist Matteo Morettoning so'zlariga ko'ra, "Nyukasl" "Vest Xem" yarim himoyachisi Deklan Raysni o'z safiga qo'shib olmoqchi.

Ingliz klubi 24 yoshli futbolchi uchun kurashga qo'shilishga tayyor. "Manchester Yunayted" va "Arsenal" ham yozda ingliz futbolchisini qo'lga kiritishga harakat qilishi kutilmoqda.

Dastlabki ma'lumotlarga ko'ra, "Vest Xem" yarim himoyachini 100 million evroga baholamoqda.

Rays joriy mavsumda 37 ta o'yinda 2 ta gol va 4 ta golli uzatmaga mualliflik qilgan.