Gruziyalik darvozabonning Evropaning ko'plab klublaridan takliflar tushmoqda

Ispaniyaning “Valensiya” klubining gruziyalik darvozaboni Giorgi Mamardashvili birdaniga Evropaning bir qancha top-klublari e'tiborini tortdi va kelasi yozda jamoasini o'zgartirishi mumkin.

22 yoshli darvozabonning agenti o'tgan hafta Angliyada bo'lgan va futbolchining transferi uchun kurashda favorit hisoblangan "Chelsi", "Tottenxem", "Manchester Yunayted" va "Lester" vakillari bilan uchrashgan. "Atletiko Madrid", "Monako" va "Milan" ham Mamardashvilini transfer qilish variantini ko'rib chiqmoqda. Posbonning o'zi "Valensiya"ni tark etishni maqsad qilgan. 90min xabariga ko'ra, agar "Valensiya" 34 million evro olsa, darvozabonning ketishiga xalaqit bermasligi kutilmoqda.

22 yoshli Mamardashvili "Valensiya"da 2021 yildan buyon o'ynab kelmoqda. Joriy mavsumda Giorgi ispan klubi safida barcha musobaqalarda 32 ta o'yinda maydonga tushdi.