«MYu» Kulibalini jahonning eng qimmat himoyachisiga aylantirishi mumkin
/ Kiritdi: BestMaster Ko'rilgan: 1256
«Manchester Yunayted» klubi «Napoli» himoyachisi Kalidu Kulibaliga qiziqish bildirmoqda. Angliyaliklar 27 yoshli futbolchi uchun 95 million evro taklif qilishga tayyor.
Agar ushbu transfer amalga oshsa, Kulibali jahonning eng qimmat himoyachisiga aylanadi. Hozirda bunday transfer rekordi Virjil van Deykga tegishli. Gollandiyalik futbolchi 2018 yilda «Sautgempton»dan «Liverpul»ga 75 million funt sterling (taxminan 85 million evro) evaziga o'tgandi.
«MYu» Kulibaliga qiziqish bildirayotgani haqida qishdayoq ma'lumotlar tarqalgandi. Futbolchining o'zi ham mankunianliklar safiga o'tishga qarshi emas. Shuningdek, senegallik futbolchiga «Real», «Yuventus» va «PSJ» klublari ham qiziqishmoqda. Kaliduning «Napoli» bilan shartnomasi 2023 yilga qadar tuzilgan.
Bosh sahifaga
270