"MYu"ning yozda sotib olishi kerak bo'lgan hujumchilar ro'yxati ma'lum bo'ldi

"Manchester Yunayted" mavsum yakuniga etganidan so'ng top-hujumchi sotib olishga intilmoqda.

So'nggi oylarda mish-mishlar "qizil iblislar"ni ko'plab hujumchilar bilan bog'ladi. Insayder Nikolo Skiraning so'zlariga ko'ra, bu pozitsiyani mustahkamlash haqiqatan ham "Manchester Yunayted" uchun yozgi transfer oynasida ustuvor vazifa hisoblanadi. Klubning ro'yxatidan hozirda Viktor Osimxen («Napoli»), Garri Keyn («Tottenxem») va Dushan Vlaxovich («Yuventus») joy olgan.

Osimxenning narxi Transfermarkt portali tomonidan 100 million evro, Keyn 90 million, Vlaxovich 75 millionga baholangan. Mish-mishlarga ko'ra, uchala futbolchi uchun ham etakchi chempionatlarning boshqa klublari ham da'vogarlik qilmoqda.