Agar "Barselona" Subimendini qo'lga kirita olmasa, e'tiborini boshqa futbolchiga qaratadi

Agar "Barselona" klubi "Real Sosedad" yarim himoyachisi Martin Subimendini qo'lga kirita olmasa, "Fiorentina" yarim himoyachisi Sofyan Amrabat "Barselona" uchun ustuvor variant bo'lishi mumkin.

Relevo nashri xabariga ko'ra, Subimendining transfer narxi qimmat bo'lgani uchun "Barselona" rahbariyati o'z e'tiborini "ko'k-anorranglilar" safida o'ynashni orzu qilgan Amrabatga almashtirish haqida jiddiy o'ylamoqda.

Yozda Amrabatga da'vogarlar ko'p bo'ladi, jumladan, Angliya Premer-ligasi klublari. Marokashlik futbolchi Qatardagi jahon chempionatining asosiy kashfiyotlaridan biriga aylandi va u o'z jamoasiga yarim finalga chiqishga yordam berdi.