"Bavariya" Keynni sotib olish g'oyasidan voz kechishi mumkin

Angliya terma jamoasi va "Tottenxem" hujumchisi Garri Keynning "Bavariya"ga o'tishi muvaffaqiyatsizlikka uchrashi mumkin, deya xabar bermoqda Goal.com.

Manbaga ko'ra, myunxenliklar futbolchi transferi uchun "shporlar"ga 100 million evro to'lashga tayyor emas. Agar “Bavariya” ingliz futbolchisini sotib olishdan bosh tortsa, “Manchester Yunayted” uning uchun asosiy da'vogarga aylanadi.

Hujumchining “shporlar” bilan shartnomasi 2023/2024 yilgi mavsum oxirida yakuniga etadi. 29 yoshli futbolchi 2011 yilning yanvaridan buyon "Tottenxem" safida to'p suradi. Keyn joriy mavsumda APLda 30 ta o'yinda maydonga tushib, 23 ta gol urdi va 2 ta golga assistentlik qildi.