"Vest Xem" uni narxini pasaytirishi kerak

"Vest Xem" futbolchisi ikki London klubi o'rtasida talash bo'lmoqda. Xabarlarga ko'ra, "bolg'achilar" sardori Deklan Rays yozda EChLda ishtirok etadigan jamoaga o'tishni istaydi.

U uchun "Arsenal" va "Chelsi" kurash olib bormoqda. Qayd etilishicha, 24 yoshli yarim himoyachi uchun so'ralayotgan summa juda katta va da'vogar tomonlar uni to'lamoqchi emas. Ayni damda Rays 100 million evro atrofida baholangan.