"MYu" o'zining ikki nafar futbolchisini "Inter"ga sotmoqchi

"Manchester Yunayted"ning ikki futbolchisi faoliyatini Italiya chempionatida davom ettirishi mumkin.

Inter Live nashri xabariga ko'ra, himoyachi Viktor Lindelyof va hujumchi Antoni Marsyal Milanning "Inter" klubi safiga qo'shilishi mumkin.

“Qizil iblislar” ushbu transferlarni amalga oshirishga tayyor. "MYu" ushbu transferlar orqali jami 35 million evro olmoqchi. Agar tomonlar rozi bo'lsa, kelishuv yozgi transfer oynasida amalga oshishi mumkin.

Lindelyof joriy mavsum Angliya Premer-ligasida 11 ta o'yinda maydonga tushdi. Marsyal ham 11 ta o'yin o'tkazdi.