APLning beshta klubi "Feyenoord" hujumchisiga qiziqish bildirmoqda

"Aston Villa", "Brayton", "Brentford", "Kristal Pelas" va "Lester" "Feyenoord" va Meksika terma jamoasi hujumchisi Santyago Ximenesga qiziqish bildirmoqda, deya xabar bermoqda 90min.

Manbaga ko'ra, APL klublari yozgi transfer oynasida futbolchi sotib olish variantini ko'rib chiqmoqda. "Feyenoord" futbolchini o'zida saqlab qolishni istaydi, ammo yaxshi taklif tushsa, sotishga rozi bo'lishi mumkin.

21 yoshli Ximenes joriy mavsumda “Feyenoord” safida barcha turnirlarda 35 ta o'yinda maydonga tushib, 14 ta gol urdi va 1 ta golli uzatmani amalga oshirdi. Uning klub bilan shartnomasi 2026 yilning yoziga qadar mo'ljallangan.