"Barselona" Messini qaytarish uchun mablag' izlamoqda

Kataloniyaning "Barselona" klubi o'tgan mavsumdan beri "PSJ"da o'ynayotgan hujumchi Lionel Messini qaytarish ustida ishlamoqda.

Jurnalist Jerar Romeroning yozishicha, "ko'k-anorranglilar" argentinalik futbolchining "Kamp Nou"ga o'tishini moliyalashtirish uchun ba'zi homiylar bilan muzokaralar olib bormoqda.

Eslatib o'tamiz, futbolchining "PSJ" bilan shartnomasi tugagach, "Barselona" hatto erkin agent sifatida ham Messining transferini amalga oshira olmasligi mumkin. Shu sababli, jamoa rahbariyati homiylardan yordam kutmoqda.

Messining o'zi "Barselona"ga qaytishga qarshi emas, ammo futbolchi "PSJ" bilan shartnomasini uzaytirishi ham mumkin.