"Real" va "MYu" portugaliyalik hujumchi uchun kurashadi

Lissabonning “Benfika” klubiga tegishli bo'lgan Portugaliya terma jamoasi hujumchisi Gonsalo Ramush Evropaning ikki top-klubi nishonida turibdi.

Todofichajes nashri xabariga ko'ra, 21 yoshli futbolchi uchun kurashda "Real" va "Manchester Yunayted" klublari to'qnash kelishadi. Ikkala klub ham yozgi transfer oynasida Ramushni sotib olishga harakat qiladi. Potentsial transfer summasi 100 million evro atrofida bo'lishi mumkin.

Portugaliya chempionatining joriy mavsumida hujumchi 22 uchrashuvda 17 ta gol urdi va 2 ta golli uzatmani amalga oshirdi. Gonsaluning "Benfika" bilan amaldagi shartnomasi 2026 yilning o'rtalariga qadar tuzilgan.