"Real" futbolchisi "Atletiko"dan tushgan taklifga rad javob berdi

"Real" yarim himoyachisi Dani Sebalos "qirollik klubi"ning to'g'ridan-to'g'ri raqibi safiga o'tishdan bosh tortdi.

Jurnalist Mario Kortexananing xabariga ko'ra, ispaniyalik yarim himoyachi keyingi yozda "Atletiko"ning tekinga o'tish taklifini rad etgan.

"Real" futbolchisi hali ham jamoada qolishni istamoqda va rahbariyatdan shartnoma muddatini uzaytirish bo'yicha takliflarni kutmoqda. Dani "qaymoqranglilar" safini tark etishini tan oldi, lekin "Atletiko"ga o'tishni istamaydi. Yarim himoyachi uchun ko'proq ustuvor variant - "Betis" klubi.