"Real" "Bavariya" futbolchisiga qiziqish bildirmoqda

"Real" yozgi transfer oynasi uchun tarkibni kuchaytirish variantlarini qidirmoqda. Fichajes nashrining so'zlariga ko'ra, madridliklar so'nggi paytlarda "Bavariya"da o'zini yaxshi his qilmayotgan vinger Leroy Sanega ko'z tikishgan.

Transfermarkt Leroy Saneni 70 million evroga baholagan. 27 yoshli vingerning "Bavariya" bilan amaldagi shartnomasi 2025 yilning yoziga qadar mo'ljallangan.

2022/2023 yilgi mavsumda Leroy Sane turli musobaqalarda "Bavariya" safida 32 o'yinda 13 ta gol urdi va 7 ta golli uzatmani amalga oshirdi.