"MYu" Keynning transferi uchun o'z futbolchisidan foydalanmoqchi

"Manchester Yunayted" yozgi transfer oynasida Garri Keynni sotib olmoqchi.

Hujumchi bilan shartnoma imzolash uchun "qizil iblislar" o'z futbolchisi - hozirda "Nottingem Forest"da ijara asosida o'ynayotgan darvozabon Din Xendersondan foydalanishga tayyor.

"Tottenxem" Ugo Lorisning o'rniga uzoq muddatga o'rinbosar qidirmoqda va Xendersonni nishonda ushlab turibdi, "mankunianliklar" esa bundan foydalanishga harakat qilishadi, deb yozmoqda Manchester Evening News o'z sahifalarida.

Avvalroq matbuotda "Manchester Yunayted" 29 yoshli Xarri Keyn uchun 100 million evrogacha to'lashga tayyorligi haqida xabarlar tarqalgan edi. "Tottenxem" bunday taklifni ko'rib chiqishga tayyormi yoki yo'qligi hozircha aniq emas.