"Vilyarreal" o'z futbolchisi uchun 17 million evro talab qiladi

"Vilyarreal" transfer oynasida o'z futbolchisi Samuel Chukvueze bilan xayrlashishga qarshi emas. Birmingham Mail nashrining yozishicha, “sariq suv osti kemasi” nigeriyalik futbolchini 17 million evro evaziga qo'yib yuborishga tayyor bo'ladi.

"Aston Villa" futbolchini sotib olmoqchi, u erda "Vilyarreal"ning sobiq bosh murabbiyi Unai Emeri ishlaydi. Chukvueze Emeri bilan "sariq suvosti kemasi"da yaxshi munosabatda bo'lgan.

Samuel Chukvueze Ispaniya chempionatining joriy mavsumida 4 ta gol urdi va 4 ta golli uzatmani amalga oshirdi. 23 yoshli nigeriyalik futbolchiga avvalroq “Manchester Yunayted” qiziqish bildirayotgan edi.