Jahon chempionining xaridori ko'payib bormoqda

"Brayton" yarim himoyachisi Aleksis Makallisterga to'rtta klub qiziqish bildirmoqda.

Ma'lumki, kelayotgan yozda argentinalik futbolchining klubini o'zgartirish ehtimoli katta, buni otasi ham tasdiqlagan.

TeamTalk nashri xabariga ko'ra, bugungi kunga kelib, 24 yoshli futbolchiga asosiy da'vogarlar "Liverpul" va yaqinda qiziquvchilar ro'yxatiga qo'shilgan "Tottenxem", shuningdek, "Chelsi" va "Yuventus" bo'lib turibdi.

Transfermarkt portali Aleksis Makallisterning transfer narxini 42 million evroga baholagan. Angliya Premer-ligasining joriy mavsumida yarim himoyachi 22 ta o'yinda qatnashib, 7 ta gol urgan va bitta golli uzatmani o'z hisobiga yozdirib qo'ygan.