"Betis" Belerinni tekinga qo'lga kiritish bo'yicha muzokaralarni boshladi

"Barselona" himoyachisi Ektor Belerin ijara asosida o'ynagan "Betis" jamoasiga to'laqonli ravishda o'tishga yaqin turibdi.

Jurnalist Fabritsio Romanoning so'zlariga ko'ra, tomonlar mavsum oxirida bepul transfer bo'yicha muzokaralar olib borishmoqda.

Eslatib o'tamiz, Belerin o'tgan yozda doimiy ravishda "Betis"ga o'tmoqchi edi, biroq ispan klubi Londonning "Arsenal" klubi bilan kelisha olmagandi. Yakunda futbolchi erkin agent sifatida qo'yib yuborildi va shu tufayli Ektor "Barselona" bilan shartnoma imzoladi. Xavi Ernandes jamoasida ispaniyalik futbolchi kam o'yin amaliyotiga ega bo'ldi va rahbariyatning rejalariga kiritilmadi.