"Chelsi" bir qator futbolchilarini sotmoqchi, sababi ma'lum

"Chelsi" moliyaviy feyr-pley qoidalariga rioya qilish uchun yozda bir qancha futbolchilarini sotishi mumkin.

The Times nashrining yozishicha, o'tgan mavsum yakunida “ko'klar”ning molyaviy yo'qotishlari 150 million evrodan oshgan.

Manbaga ko'ra, Konor Gallager va Meyson Maunt sotuvga qo'yilgan asosiy nomzodlar ro'yxatidan joy olgan. Bu futbolchilar safiga jamoaning boshqa futbolchilari ham qo'shilishi mumkin.

London klubi Angliya Premer-ligasining joriy mavsumida muvaffaqiyatsiz ishtirok etmoqda. O'tkazilgan 27 o'yindan so'ng Grem Potter shogirdlari 38 ochko jamg'arib, turnir jadvalida o'ninchi o'rinni egallab turishibdi.