Xorvatiyalik futbolchi uchun Evropaning 3 ta klubi kurashadi

Xorvatiyaning “Xayduk” klubi yarim himoyachisi Luka Vushkovich bir vaqtning o'zida Evropaning uchta top-klubi nishonadi.

Insayder Nikolo Skiraning so'zlariga ko'ra, iste'dodli futbolchi uchun kurashda “Manchester Siti”, “PSJ” va “Bavariya” kurash olib boradi.

Jurnalist ta'kidlaganidek, ayni damda "PSJ" yarim himoyachisini qo'lga kiritish uchun eng qulay imkoniyat ega. Parij klubi futbolchi uchun 12 million evro berishga tayyor, "Xayduk" esa iqtidorli futbolchining transferidan 15 million olmoqchi.

16 yoshli futbolchi o'tgan yozdan beri "Xayduk"da o'ynamoqda. Vushkovich va klub o'rtasidagi amaldagi shartnoma muddati 2026 yilning yanvar oyi o'rtalarigacha hisoblangan.