"MYu" "Brayton"ning yosh hujumchisini nishonga oldi

"Manchester Yunayted" iqtidorli hujumchi transferi uchun mablag' tayyorlamoqda.

Gap "Brayton" futbolchisi Evan Fergyuson haqida ketmoqda. Football Insider nashri xabariga ko'ra, "qizil iblislar" skautlari joriy mavsum kashfiyotlaridan biri deb atalgan 18 yoshli irlandiyalik futbolchini faol ravishda kuzatib borishmoqda.

"Brayton"ning asosiy jamoasi tarkibida Evan Fergyuson 20 ta o'yin o'tkazgan. Ularda hujumchi ettita gol urdi va sheriklariga to'rtta samarali uzatma berdi.

Qo'shimcha qilamizki, bir necha kun oldin Evan Fergyuson Irlandiya terma jamoasi safida ilk bor gol urdi. Transfermarkt portali yosh futbolchini 10 million evroga baholamoqda.