"Chelsi" va "Arsenal" "Sautgempton"ning 19 yoshli futbolchisiga qiziqish bildirmoqda

"Chelsi" "Sautgempton"ning 19 yoshli yarim himoyachisi Romeo Laviaga qiziqish bildirmoqda.

Yozgi transfer oynasining so'nggi kunida "ko'klar" belgiyalik futbolchini 50 million funtga sotib olmoqchi edi.

Insayder Fabritsio Romanoning so'zlariga ko'ra, klub hali ham kelishuvga erishmoqchi. “Arsenal” ham futbolchini kuzatib bormoqda. "Sautgempton" yarim himoyachini o'zida saqlab qolmoqchi.

Lavia "avliyolar" safiga 2022 yilning iyulida "Manchester Siti"dan kelib qo'shilgan edi. "Shaharliklar" futbolchini 40 million funtga sotib olish huquqiga ega.

Tayanch yarim himoyachisi joriy mavsumda APLda 19 ta o'yinda maydonga tushib, 1 ta gol urishga erishdi.