"MYu" Feliksni o'z safiga qo'shib olish uchun urunib ko'radi

Joau Feliks joriy mavsum oxirida "Atletiko"ga qaytishi dargumon.

Matbuotda futbolchi Madrid klubiga qaytishni istamasligi haqida allaqachon ma'lum qilgani haqida ma'lumot paydo bo'ldi. "Chelsi" ijara muddati tugagach, "matraschilar"dan Feliksni sotib olish bo'yicha muzokara olib borishga urinib ko'rishi mumkin, ammo Angliyada portugaliyalik futbolchi uchun yana bir da'vogar bor.

AS nashri xabariga ko'ra, "Manchester Yunayted" Joauni "ko'klar"dan tortib olishi mumkin.

Qayd etilishicha, "Manchester Yunayted" qishda Joau Feliksga qiziqish bildirgan va yozda yana qiziqish bildirishi mumkin.

Joau Feliks “Chelsi” safida 9 ta o'yinda maydonga tushib, 2 ta gol urgan.