Iskoga ko'plab klublardan takliflar bor

"Real"ning sobiq yarim himoyachisi, endilikda "Sevilya"ni tark etganidan keyin erkin agentga aylangan Iskoda faoliyatini Gretsiya va Turkiyada davom ettirish imkoniyatlari bor.

Todofichajes nashrining yozishicha, ispaniyalik yarim himoyachi xizmatlariga Evropaning uchta klubi qiziqish bildirmoqda. Gap Istanbulning “Fenerbaxche” va “Beshiktosh”, shuningdek, Gretsiyaning “Olimpiakos” jamoalari haqida ketmoqda.

Bundan tashqari, Iskoning AQSh va Braziliyada variantlari bor, biroq futbolchi faoliyatini Evropada davom ettirishni birinchi o'ringa qo'yadi.

Ispaniya chempionatining joriy mavsumida yarim himoyachi 12 ta uchrashuvda maydonga tushib, 2 ta golli uzatmani amalga oshirdi.