"PSJ" 16 yoshli xorvatiyalik futbolchiga qiziqish bildirmoqda

Xorvatiyaning "Xayduk" klubini 16 yoshli futbolchisiga "PSJ" qiziqish bildirmoqda.

L’Équipe nashri xabariga ko'ra, parijliklar bir necha haftadan buyon xorvatiyalik markaziy himoyachi Luka Vushkovichning transferi bo'yicha muzokara olib borishmoqda. "PSJ" Vushkovichni shu yozda o'z safiga qo'shib olmoqchi va uni futbolchi 17 yoshga to'lgunga qadar "Xayduk"da bir yilga ijarada qoldirmoqchi.

Qayd etilishicha, "Manchester Siti" yosh xorvatiya futbolchi uchun bonuslar bilan birga 12 million evro taklif qilgan. Futbolchiga Germaniya klublari ham qiziqish bildirmoqda.

Joriy mavsumda Vushkovich Xorvatiya chempionatida 4 ta o'yin o'tkazdi.