"Real" yangi hujumchi uchun 100 million evrodan ortiq mablag' sarflashga tayyor

Madridning "Real" klubi Karim Benzemaning o'yinlaridan xavotirda. Madrid klubining yozdagi asosiy maqsadi hujum markaziga yangi futbolchi sotib olish.

Cadena SER nashrining xabariga ko'ra, "qaymoqranglilar" yangi hujumchi uchun 100 million evrodan ko'proq mablag' sarflashi haqida ma'lumotlar bor.

Eslatib o'tamiz, mish-mishlar "Real"ni "Yuventus"dan Dushan Vlahovich, "Napoli"dan Viktor Osimxen, "Tottenxem"dan Xarri Keyn, "PSJ"dan Kilian Mbappe va "Manchester Siti"dan Erling Xoland bilan bog'laydi.

Qo'shimcha qilamizki, ayni damda "Real" Ispaniya chempionati turnir jadvalida ikkinchi o'rinda bormoqda.