"Napoli" "Nyukasl"ning 100 million evrolik taklifiga rad javob berdi

Yaqinda "Nyukasl" "Napoli"ga hujumchi Viktor Osimxen transferi uchun 100 million evro taklif qildi.

La Gazzetta dello Sport nashri xabariga ko'ra, neapolliklar nigeriyalik futbolchini sotishdan bosh tortgan.

Manbaning aytishicha, "Napoli" Osimxen bilan yangi shartnoma imzolab, uni saqlab qolmoqchi. Futbolchining o'zi avvalroq Angliya Premer-ligasida o'ynashni orzu qilishini inkor etmagandi.

Osimxen Italiya A Seriyasining joriy mavsumdagi eng yaxshi to'purari hisoblanadi. A Seriyada nigeriyalik futbolchi hisobida 21 ta gol bor. Hujumchining xizmatlariga Angliyaning “Manchester Yunayted” va “Chelsi” klublari ham qiziqish bildirishgan.