Bellingemning otasi "Real" vakillari bilan uchrashdi

Dortmundning "Borussiya" klubi yarim himoyachisi Jud Bellingemning otasi "Real" rahbariyati bilan aloqada bo'ldi.

Jurnalist Kristian Falk xabariga ko'ra, yarim himoyachining otasi Londonda "Qirollik klubi" vakillari bilan uchrashuv o'tkazgan.

Oldinroq 19 yoshli Bellingem "Liverpul" va "Manchester Siti" klublari qiziqish bildirayotganiga qaramay, kelasi yozda "Real"ga o'tishni xohlayotgani haqida xabar berilgandi.

Eslatib o'tamiz, Dortmundning "Borussiya" klubi o'z yarim himoyachisi uchun 150 million evro talab qiladi, bu esa hozircha "Real" rahbariyatini qo'rqitmoqda.

Bellingem hisobida Bundesligada 4 ta gol va 4 ta golli uzatma bor.