"PSJ" yozgi transfer oynasini "portlatmoqchi"

"PSJ" kelasi mavsum boshlanishidan oldin tarkibni jiddiy yangilamoqchi. Bu haqda Lequipe jurnali xabar bermoqda.

Parij grandi rahbariyati darvozabondan tashqari jamoaning barcha chizig'ini kuchaytirishni rejalashtirmoqda. Himoyada klub Pau Torres ("Vilyarreal"), o'rta chiziqda esa Ibrohim Sangare ("PSV") va Kuadio Kone ("Borussiya" (M)ni qo'lga kiritish niyatida. "PSJ" pulning katta qismini hujumni kuchaytirishga sarflamoqchi. Liga 1 chempionlari "Manchester Siti"ning hujumkor yarim himoyachisi Bernardu Silva, shuningdek, uch nafar hujumchi Rayan Sherki ("Lion"), Gonsalo Ramush ("Benfika") va Viktor Osimxen ("Napoli") bilan shartnoma imzolamoqchi.

"PSJ" Chempionlar ligasida 1/8 final bosqichidan o'ta olmadi. Kristof Galte shogirdlari "Bavariya"ga mag'lub bo'ldi (0:1, 0:2).