Evropaning ko'plab klublari braziliyalik 17 yoshli futbolchiga qiziqish bildirmoqda

"Zenit" va Evropaning ko'plab klublari "Korintians" vingeri Pedro dos Santosga qiziqish bildirmoqda.

Goal Brazil nashri xabariga ko'ra, "Korintians" 17 yoshli hujumchi uchun yozgi transfer oynasida taklif kutmoqda.

Pedroga "Borussiya" (D), "Ayaks", "PSV", "Brayton", "Nyukasl" va "Zenit" klublari qiziqish bildirmoqda.

"Korintians" Pedroni klub tarixidagi eng yirik sotuvi bo'lishini istaydi.

Braziliyalik futbolchining "Korintians" bilan shartnomasi 2025 yilgacha mo'ljallangan, shartnomani yana ikki mavsumga uzaytirish imkoniyati mavjud. Evropa klublari uchun tovon puli 50 million evro. Ma'lum bo'lishicha, Braziliya klubi Santos uchun to'lovni 80-100 million evrogacha oshirmoqchi.