"Barselona" Raboni nishonga oldi

Yarim himoyachi Adrien Rabo yozda klubini o'zgartirishi mumkin. Hozirda 27 yoshli frantsiyalik futbolchi o'ynayotgan "Yuventus" yarim himoyachini o'z safida saqlab qolmoqchi, biroq unga yiliga talab qilinadigan 10 million evroni to'lashga tayyor emas.

Fichajes nashrining xabariga ko'ra, Adrien Rabo "Barselona"ning nishonida turibdi. Kataloniya klubi frantsiyalik futbolchini erkin agent sifatida qo'lga kiritish imkoniyatiga qiziqish bildirmoqda.

Umumiy hisobda Adrien Rabo "Yuventus" safida 157 ta o'yinda maydonga tushdi. Ularda yarim himoyachi 13 ta gol urdi va sheriklariga 8 ta golli uzatma yozdirib qo'ygan.

Transfermarkt portali Adrien Raboni 25 million evroga baholamoqda.