Rasman! "Chelsi" futbolchisi Braziliya klubiga ijaraga berildi

"Chelsi" yarim himoyachisi Andre Santos joriy yilning iyun oyi oxirigacha ijara asosida "Vasko da Gama"ga o'tdi, deb xabar beradi Braziliya klubi rasmiy sayti.

Eslatib o'tamiz, 18 yoshli Santos o'tgan qishda "Vasko da Gama"dan London klubiga o'tgan edi. Transfer summasi 12,5 million evroni tashkil qildi.

E'tiborlisi, "Chelsi"da o'ynash uchun yosh braziliyalik futbolchi Angliyada ishlash uchun ruxsatnoma ololmagani uchun birorta ham rasmiy uchrashuv o'tkazishga ulgurmadi.

"Chelsi" hozirda 24 turdan keyin 31 ochko bilan APL turnir jadvalida 10-o'rinda bormoqda.