"Borussiya" o'z futbolchisining narxini pasaytirdi

Menxengladbaxning "Borussiya" klubi yarim himoyachisi Kouadio Koneni sotish uchun uning narxini pasaytirdi.

Avvalroq nemis jamoasi 21 yoshli frantsiyalik futbolchi uchun 45 million evro talab qilgan bo'lsa, endi rahbariyat futbolchini 30 millionga qo'yib yuborishga tayyor.

Yozda kamida ikkita yarim himoyachini sotib olmoqchi bo'lgan "Liverpul" Konening xizmatlariga qiziqish bildirmoqda. Avvalroq futbolchiga Frantsiyaning "PSJ" va "Milan" klublari ham qiziqish bildirayotgandi.

Kone joriy mavsum Germaniya Bundesligasida 21 ta o'yinda maydonga tushib, 1 ta gol va 1 ta golli uzatmaga mualliflik qilgan. Futbolchi Menxengladbaxning "Borussiya" jamoasida ikkinchi mavsumini o'tkazmoqda.