"Real" "Bavariya"ning 80 million evroli futbolchisiga ko'z tikmoqda

Madridning “Real” klubi maydon markazida Toni Kroos – Luka Modrich juftligidan birini o'rnini bosa oladigan futbolchi izlay boshladi. Todofichajes nashri xabariga ko'ra, "qirollik klubi" e'tiboriga "Bavariya" yarim himoyachisi Joshua Kimmix tushgan.

Madrid grandi xo'jayinlari 28 yoshli germaniyalik futbolchini 2022/2023 yilgi mavsum yakunida qo'lga kiritishga harakat qilishadi. Kelishuv ancha qimmatga tushishi mumkin, chunki Kimmixning narxi 80 million evroga baholanmoqda. Yarim himoyachining "Bavariya" bilan shartnomasi 2025 yilning o'rtalariga qadar mo'ljallangan.

Joshua Bundesliganing joriy mavsumida 21 ta o'yinda maydonga tushib, 3 ta gol urdi va 4 ta golli uzatmani amalga oshirdi.